Denne artikkelen er produsert og finansiert av Universitetet i Stavanger - les mer.
Læraren skal vere den vaksne, trygge i klasserommet.
(Illustrasjonsfoto: Thomas Brun, NTB)
Det er viktig å vere ein tydeleg vaksen i klasserommet
Læraren skal vere ein autoritet, men det er ikkje alltid enkelt i praksis.
– For meg er det viktig å både vera ein tydeleg
vaksen i klasserommet med krav og forventningar. Men eg vil òg vera ein nærverande,
trygg person elevane kan koma til, seier lærar Inger Heng Lauvsnes.
For å bli godt kjend med elevane i starten brukte ho tid på å vera saman med dei i friminutta, delta i litt leik og litt
latter.
– Det gav meg samtidig mykje kunnskap om korleis eg kunne handtera
situasjonar inne i klasserommet.
Lauvsnes jobbar på Buggeland skule i Sandnes. Ho var nyutdanna grunnskulelærar i 2022. Som nyutdanna ser ho at ho har hatt eit godt utbytte av å etablera desse gode relasjonane med elevane tidleg, både i og utanfor klasserommet.
Men kva kjenneteiknar eigentleg
god klasseleiing?
Klasseleiing er noko Læringsmiljøsenteret ved Universitetet i Stavanger (UiS) har
god innsikt i. Forskar ved senteret, Pål Roland, meiner at når me
snakkar om klasseleiing, er det ofte gjennom to perspektiv:
– Det eine som faglege prestasjonar. Det vil seie kor godt fagleg utbytte elevane får
av undervisinga. Det andre perspektivet er den sosiale emosjonelle læringa. Det går på korleis elevane utviklar seg sosialt. Klarer du å auka den sosiale kompetansen, er det mykje som tydar på at du også
påverkar den faglege læringa i positiv retning, seier Pål Roland.
Og måten Inger Heng Lauvsnes skildrar dei gode relasjonane og den todelte
måten å både vera tydeleg og ha klare forventningar, samtidig som ein er ein
trygg vaksen, er kjend som den autoritative vaksenrolla.
Roland meiner den kan
vera utfordrande for mange i praksis:
– Den autoritative vaksenrollen kan vera
relativt enkel å læra seg teoretisk. Men i det daglege kan ho vere vanskeleg å omsetja. I
ei slik rolle skal ein handtere to ting samtidig. Det er ein kvalitet i relasjonen mellom lærar og elev. Det andre handlar nettopp om krav,
forventningar og å leia gode overgangar.
Kjenn elevane sine grenser
Og lærar Lauvsnes kjenner igjen skildringa frå forskaren. Å etablera dei gode relasjonane har gjort det
enklare for ho å forstå elevane og korleis ho kan reagera når noko ikkje er greitt for
klassemiljøet.
– Dersom eg opplever negativitet eller noko som
øydelegg enten for undervisinga eller for klassemiljøet, veit eg kor streng eg
kan vera med elevane. Gjennom å ha etablert gode relasjonar veit eg kva dei
kan ta imot av tilbakemeldingar. Det er gull verdt. Kva som helst kan
oppstå i løpet av ein dag. Då må eg nettopp vera tydeleg, meiner Inger Heng
Lauvsnes.
Pål Roland viser til at nettopp tydeleg leiing samsvarer med god klasseleiing. Det kan ha stor positiv påverknad inn i klasserommet, både fagleg og
sosialt. Roland viser også til forsking på dette området:
– Forsking viser at lærarar som får til gode
investeringar og relasjonar ikkje berre er positiv for fagleg og sosial læring,
men at det også betyr mykje for læraren sjølv. Dei lærarane melder at dei
trivst godt sjølv, gleder seg til å gå på jobb og har høg tru på eigen
meistring i klasserommet.
Inger Lauvsnes har også ei tydeleg oppmoding til andre nyutdanna som jobbar i
grunnskulen.
– På skulen eg jobbar på, er me også to lærarar
i klassen. Å nytta kvarandre til sparring og tilbakemeldingar har også fått meg
til å bli tryggare i lærarrolla. Ta til deg råd frå andre og sjå deretter om
andre tilnærmingar kan hjelpa til ennå betre klasseleiing.
Sjå heile den faglege samtalen mellom Pål Roland og Inger Heng Lauvsnes i denne
episoden av Læring for livet:
Les også disse sakene fra Universitetet i Stavanger:
forskning.no vil gjerne høre fra deg!
Har du en tilbakemelding, spørsmål, ros eller kritikk? TA KONTAKT HER
Click to add text
