I eit stort europeisk program (PARC) skal forskarar utvikle og innføre nye verktøy og metodar for risikovurdering av kjemikaliar. Også norske forskarar ved Statens arbeidsmiljøinstitutt (STAMI) deltek. 

Målet er å verne menneske si helse og miljøet. I tillegg ynskjer dei å redusere og erstatte dyreforsøk.

Omtrent 200 institusjonar i 29 land er partnarar i programmet, saman med dei europeiske regulatoriske styresmaktene: European Chemicals Agency (ECHA), European Food Safety Authority (EFSA) og European Environmental Agency (EEA).

For dei norske forskarane har det vore viktig å framheve ulike eksponeringar i arbeidsmiljøet og arbeidstakarar si helse i programmet. 

STAMIs rolle i det europeiske samarbeidet 

Forskarar jobbar blant anna med å skape ny kunnskap og utvikle nye metodar som skal liggje til grunn for dei nye formene for risikovurdering.

Dei har til dømes utvikla det dei kallar cellekulturbaserte metodar. Dei skal gi nødvendig kunnskap om giftige eigenskapane til kjemikaliar. Det skal ein bruke i risikovurdering.

I slike metodar tek ein celler frå levande vev som blir dyrka under kontrollerte forhold i laboratoriet. Dette gir forskarane eit høve til å teste effekten av giftige substansar i menneske- og dyrevev. 

Nyleg har ei prosjektgruppe på STAMI bidrege med kunnskapen sin om arbeidsrelatert eksponering og helse.

Studerer soppgifter 

Eit område handlar om kunnskapen vi har i dag og dei kunnskapshola som vi må tette om dei naturlege giftstoffa frå Alternaria-soppane. Alternaria er ein hardfør muggsoppfamilie som veks på mange ulike råmateriale og matavlingar.

Funna vil bidra til å betre det eksisterande kunnskapsgrunnlaget på soppgifter frå soppen. 

– Forskarar frå STAMI bidreg med kunnskapen sin om arbeidsrelatert eksponering til naturlege toksin og moglege effektar på helsa til arbeidstakarar. Det fortel Anne Straumfors, forskar på STAMI. Ho har vore bidragsytar i studien.

Nye metodar for risikovurdering 

Vidare har dei norske forskarane vore med i ein studie om dei nye metodane for å kartleggje såkalla immunomodulerande eigenskapar av kjemikaliar generelt.

– Desse eigenskapane er evna eit stoff har til å påverke immunsystemet negativt eller positivt, forklarer Solveig Krapf. Ho er forskar på STAMI og jobbar med oppgåver knytt til PARC.

Funna vil gjere oss i stand til betre å forstå grunnlaget for risikovurdering og utforming av grenseverdiar for eksponering.

Forskarane ved STAMI skal teste fleire nye metodar spesifikt for å auke kunnskapen om kva konsekvensar det kan ha å bli eksponert for naturlege toksin i arbeidet.

Referansar:

Henriqueta Louro, Anne Straumfors mfl.: Hazard characterization of Alternaria toxins to identify data gaps and improve risk assessment for human health. Archives of Toxicology, 2023. Doi.org/10.1007/s00204-023-03636-8

Igor Snapkov, Anne Straumfors mfl.: New approach methodologies to enhance human health risk assessment of immunotoxic properties of chemicals — a PARC (Partnership for the Assessment of Risk from Chemicals) project. Frontiers in Toxicology, 2024. Doi.org/10.3389/ftox.2024.1339104

Artikkelen er produsert og finansiert av STAMI

STAMI er én av over 80 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff. Her kan du lese mer om ordningen.

Les også disse sakene fra STAMI

• 

  Folk i manuelle yrke har kortast forventa deltaking i arbeidslivet

• 

  6 råd som kan førebyggje psykiske plager på jobben

• 

  Her skjedde ei varig endring etter pandemien

• 

  Kvinner og lavt utdannede jobber færre år i løpet av livet

• 

  Flyktningar i Noreg og Sverige har ulik risiko for sjukefråvær

• 

  Kontorlandskap kan gi mindre kontroll og høyere risiko for sykefravær

Se flere saker fra STAMI her.

forskning.no vil gjerne høre fra deg!

Har du en tilbakemelding, spørsmål, ros eller kritikk? TA KONTAKT HER