Internationale Grüne Woche er ei årleg utstilling med vekt på mat og drikke, landbruk og grøne verdiar. Den første vart arrangert i Berlin i 1926, og årets utgåve, som Vestlandsforsking besøkte i slutten av januar, var den åttifemte. 1800 utstillarar er representerte. I tillegg omfattar utstillinga ei rekkje døme på regional utvikling frå tyske delstatar, knytt til mellom anna digitalisering, framtidas mat og opplevingar i landbruket. Som ny besøkande var direktør i Vestlandsforsking, Anders-Johan Almås, imponert.

– Utstillinga var veldig mangfaldig. Det var interessant å sjå korleis dei over 60 landa formidla sine eigne mattradisjonar og promoterte landbruk og mat i samband med reiseliv, seier Almås.

Forskingsleiar for teknologi og samfunn, Ivar Petter Grøtte, har eit konkret siktemål: Å førebu ei lokal satsing i Sogn der kjernen er koplingar mellom lokalmat, kultur og opplevingar.

– Det føregår no store satsingar i regionen som kan forsterkast gjennom meir samarbeid, seier Ivar Petter Grøtte.

Innovasjon og kunnskapsutvikling har ein naturleg plass i arbeidet, og klyngesatsingar som Arena-programmet i regi av Innovasjon Norge, kan vere aktuelt. Fleire av dei aktuelle deltakarane i eit framtidig samarbeid var med på studieturen, som Lærdal Grønt, Sognefrukt, Bratt moro, Hodlekve-satsinga, Lærdal kommune, Lærdal Næringsutvikling og Høgskulen på Vestlandet.

Les meir om utstillinga på nettsidene til Vestlandsforskning

Artikkelen er produsert og finansiert av Vestlandsforsking

Vestlandsforsking er én av 77 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff.Her kan du lese mer om ordningen.

Fikk du med deg disse artiklene fra Vestlandsforsking?

– Vi er i privatbilens siste dagar

Dataspel kan fremme integrering

Draumeturisten er ein rik italienar