Ørkenmaur luktar seg heim på anden til andre maur

Forskarar har funne at maur kan bruke vibrasjonar eller magnetisme for å finne vegen heim. Dei kan også lukte seg tilbake til heimen på anden til andre maur.

Unni Eikeseth journalist i NRK

Publisert 15.03.2012 - 05:00

Denne artikkelen er over ti år gammel og kan inneholde utdatert informasjon.

Maur kunne finne vegen heim når det einaste landemerket som fanst var vibrasjonar i bakken nær holet. (Foto: Elisa Badeke, Max Planck Institute for Chemical Ecology)

I samarbeid med:

Denne saken er produsert av NRK.

For ørkenmaur er det å finne veg heim til rett hole i bakken eit spørsmål om liv og død. Om dei tar feil, risikerer dei nemleg å bli drepne av fiendtlege maur.

Derfor har ørkenmaur utvikla ekstremt gode evner til å finne tilbake etter at dei har vore på matsanking.

No har forskarar ved Max Planck Institute for Chemical Ecology i Tyskland oppdaga at maur kan nytte magnetiske og vibrerande landemerke for å finne vegen heim att.

I tillegg fann dei også at mauren kan lukte seg fram til heimen ved hjelp av karbondioksid frå pusten til sine kollegamaur. Resultata er nyleg publisert i tidsskrifta PLoS ONE og Current Biology.

Sjå video som viser korleis forskarane sette opp duftforsøk i ørkenen i Tunisia:

_____________________________

Les hele saken på NRK.no