– Eg sit mykje stille som student, spesielt nå i eksamenstida. Så eg har leita etter jobbar der eg kan vere meir aktiv om sommaren, seier Amanda Knudsen.

Ho er ein av mange aktive me møter ein solfylt dag rundt Sognsvann.

Men dei du ser rundt Oslos mest brukte turløype er ikkje representative for resten av befolkninga.

Trudde folk var meir aktive

For nordmenn flest har ein stillesittande kvardag. Berre tre av ti av den store stillesittande gruppa klarer anbefalingane om fem timar med fysisk aktivitet i veka, viste rapporten Norges idrettshøgskole (NIH) og Folkehelseinstituttet (FHI) la fram i april.

– Det er eg ikkje overraska over. Særleg etter pandemien, meiner Hans Marius Flåtten som me møter midt i ei løpeøkt.

Karin Solberg Andreassen er i 70-åra og er meir overraska.

– Det synest eg er ille. Og overraskande eigentleg. Når eg er her så verkar det som folk flest er flinke til å trene og gå tur, seier Andreassen som sjølv prøver å få til eit par økter med mosjon per veke.

Store helsekonsekvensar

Professor Jostein Steene-Johannesen forstår godt kvifor ho har det inntrykket når ho går rundt på Sognsvann.

– Det er framleis eit stort behov for å auke aktiviteten i befolkninga. Det er stor spreiing mellom folks aktivitetsnivå. Dei som er i lite aktivitet, har eit veldig lågt nivå, fortel Johannesen.

Saman med professor Sigmund Alfred Anderssen fortel han kva som har skjedd med utviklinga av aktivitetsnivået sidan dei fyrste undersøkingane på starten av 2000-talet.

Konsekvensane av stillesittinga kan bli store.

– Der pågår det mykje forskning. I seg sjølv er stillesitting ikkje gunstig for ei rekkje av livsstilssjukdommane. Også for muskel og skjelettplager, seier Anderssen.

Han legg til at det er naturleg at me sit meir stille i dag enn me gjorde for 30-40 år sidan.

– I dag har fleire jobbar som gjer at me blir sittande. At det blir såpass mange timar som åtte til ni timar er ein naturleg konsekvens av utviklinga vår. Men skal me akseptere den?

Korleis snu trenden?

Direktør ved Folkehelseinstituttet, Camilla Stoltenberg, meiner tala viser kor stor utfordring samfunnet har framover.

– Det er ei utfordring både for samfunnet og for den enkelte. Og for oss i FHI og de på NIH som skal formidle kor enkelt fysisk aktivitet kan vere, seier Stoltenberg.

Fleire interessante funn om korleis me beveger oss og diskusjonen om korleis me skal snu trenden høyrer du i NIH-podden anten her eller der du høyrer podkast.

Artikkelen er produsert og finansiert av Norges idrettshøgskole

Norges idrettshøgskole er én av over 80 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff.
Her kan du lese mer om ordningen.

Les også disse sakene fra Norges idrettshøgskole:

• 

  Får du ikkje framgang på treningssenteret? Dette anbefalar ekspertane

• 

  Studentar vil logge av mobilen på tur

• 

  Byttet fra p-pille til minipille – da løftet verdensmesteren mer

• 

  Ny forsking om korsbandsskadar: Tung trening gir betre resultat

• 

  – Vi må erkjenne at idretten er ein risikoarena for overgrep

• 

  Dei som var mest aktive som barn og ungdom, var ikkje mest aktive som vaksne

Se flere saker fra Norges idrettshøgskole her.

forskning.no vil gjerne høre fra deg!
Har du en tilbakemelding, spørsmål, ros eller kritikk? TA KONTAKT HER