Åreforkalking er den sjukdommen som tar livet av flest menneske i Noreg og i den vestlege verda. Ei vanleg forklaring på den store auka i sjukdommen er stadig meir usunn livsstil med inntak av feit mat, røyking og lite mosjon.

Men no viser det seg at menneske kan ha hatt trøbbel med slike sjukdommar også lenge før frityr og sigarettar var oppfunne.

Eit amerikansk forskarteam utførte CT-skanning av 137 mumifiserte lik frå forhistoriske menneske frå fire ulike verdsdelar. Dei fann åreforkalking hos alle befolkningane dei undersøkte.

Dette får forskarane til å tru at hjartesjukdom kanskje ikkje har moderne opphav, men i staden er eit grunnleggjande trekk ved menneskeleg aldring.

– Vi fann at hjartesjukdom er ein massemordar som har forfølgd menneska i tusenvis av år, fortel Gregory Thomas ved Long Beach Memorial. Thomas er ein av forskarane bak studien som er publisert i det anerkjente tidsskriftet The Lancet.

_____________________

Les hele saken på NRK.no