Hemmelegheita bak kjempeblekksprutens store auge
Forskarar trur kjempeblekksprutens tallerkenstore auge er nødvendig for å oppdage hovudfienden i mørket.
Denne artikkelen er over ti år gammel og kan inneholde utdatert informasjon.
Auga hos kjempeblekkspruten kan bli opptil 30 centimeter i diameter. Dette er dei største auga hos noko levande vesen på jorda i dag.
Men kvifor auga hos blekkspruten er så store, er eit mysterium som forskarar har undra seg over.
Ei gruppe biologar ved Duke University i USA meiner no dei har svaret.
–Dei bruker mest sannsynleg dei enorme auga til å oppdage og rømme frå spermkvalar som jaktar på dei, seier biolog Sönke Johnsen ved Duke University i ei pressemelding.
_______________________________
