Gunnar Yttri (53) blir ny rektor ved Høgskulen på Vestlandet. Det vedtok høgskulestyret torsdag.

Gratulerer som ny rektor ved Høgskulen på Vestlandet! Kva føler du no?

- Eg er glad for at eg har blitt rektor, for eigen del og for høgskulen. Eg er veldig takksam for styret sin tillit, og frå alle som har oppmoda meg til å søke. Eg har fått oppmodingar og heiarop frå tilsette i Bergen, Stord, Haugesund, Sogndal og Førde. Noko som gjer meg særleg glad, er at eg hadde så gode og sterke konkurrentar.

Kva er din hovudmotivasjon for å leie denne institusjonen?

- Eg er heilt overtydd om at høgskulen vår har gode kvalitetar i dag, som kan utviklast vidare, og vi kan synast att og vere ei enda sterkere kraft i høgre utdanning og samfunnet.Kva vil du særlig sette fokus på?

- Eg vil særleg sette fokus på at denne høgskulen blir sterk gjennom arbeidet til dei tilsette og også at eitt av våre særlege kjenneteikn er at vi har fem campusar. Og dei fem campusane er vår store styrke, og kvar av dei skal utviklast og bli enda meir dyktige, levande og ha enda meir kraft enn det dei har i dag.

Yttri kjem frå stillinga som førsteamanuensis ved Institutt for samfunnsvitskap ved Fakultet for økonomi og samfunnsvitskap ved Høgskulen på Vestlandet (HVL).

Han underviser i historie og forskar på utdanningspolitikk og fornybar energi og lokalsamfunn.

Gunnar Yttri har vore tilsett ved Høgskulen i Sogn og Fjordane sidan 2004 og har vore dekan i to periodar ved Avdeling for samfunnsfag.

Yttri blei medlem i interimstyret ved Høgskulen på Vestlandet hausten 2016 og er i dag inne i sin andre periode som medlem i høgskulestyret.

Gunnar Yttri er dr.philos. i historie frå Universitetet i Oslo.

Les meir om tilsettinga på hvl.no

En notis fra Høgskulen på Vestlandet

Høgskulen på Vestlandet er én av 77 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff.
Her kan du lese mer om ordningen.

Les også disse artiklene fra Høgskulen på Vestlandet:

• 

  Elevar som fell utanfor: – Eg mista heilt trua på meg sjølv. At eg skulle greie å få meg ein kjærast, ein jobb, eit liv

• 

  – Barn trenger samfunnsfaget for å forstå verden

• 

  Forskarar har gjort nye funn om sjukdom hos oppdrettsfisk

• 

  Historikar bygger mellomalderen i Lego: – Eg har ein veldig tolmodig kjærast

• 

  Elever som beveger seg, lærer mer. Kan innsikten endre skolene i Norge?

• 

  Ansatte i barnevernet synes sakkyndige får for mye makt

Les flere saker fra Høgskulen på Vestlandet her.