Nytt bilete av populært motiv i verdsrommet
To romteleskop har begge vendt linsene mot stjernetåka Hestehovudtåka. Resultatet gir større innsikt i korleis stjerner blir fødd.
Denne artikkelen er over ti år gammel og kan inneholde utdatert informasjon.
Dei to romteleskopa Herschel og Hubble har begge fokusert på eit klassisk objekt på nattehimmelen, Hestehovudtåka.
Bileta gir forskarane betre innsikt i kva som går føre seg i denne godt kjente stjernefabrikken, og den større molekylskya Orion som Hestehovudtåka er ein del av.
– I astronomien treng vi bilete med alle moglege skalaer og alle bølgjelengder for å forstå både det store biletet og dei små detaljane, seier Professor Matt Griffin til BBC. Griffin er leiaren av SPIRE-instrumentet på ESAs romteleskop, Herschel.
_____________________
