Læring under søvn bevist for første gong

Sovande personar lærte informasjon som dei kunne gjenta då dei vakna. – Dette er første gong vi får bevist at vi kan lære nye ting mens vi søv, seier norsk søvnekspert.

Unni Eikeseth journalist i NRK

Publisert 04.09.2012 - 05:00

Denne artikkelen er over ti år gammel og kan inneholde utdatert informasjon.

Sjølv i sovande tilstand er hjernen vår i stand til å lære ny kunnskap, viser ny forsking. (Foto: Colourbox)

I samarbeid med:

Denne saken er produsert av NRK.

Kven har vel ikkje drøymt om å kunne laste inn ny kunnskap i hjernen mens ein søv.

Nettopp dette ser det ut som om israelske søvnforskarar har fått til i ein studie som er publisert i tidsskriftet Nature Neuroscience.

Forskaren Anat Arzi og kollegaene hennar ved Weizmann Institute of Science i Israel lærte forsøkspersonar å assosiere ulike lukter med lydar mens dei var i djup søvn. Testar viste at personane kunne gjenta lærdommen også etter at dei var vakna.

– Denne forskinga viser at sjølv om vi er tilsynelande medvitslause når vi søv, kan hjernen ikkje berre registrere og reagere på enkelte hendingar, men også lære eit bestemt reaksjonsmønster. Det er ikkje vist før, seier Michaela D. Gjerstad som er seniorforskar ved Nasjonal kompetansetjeneste for søvnsykdommer, SOVno til NRK.no.

_____________________

Les hele saken på NRK.no