Sorterer søpla betre enn menneske
Ny teknologi gjer søppelsortering i heimen unødvendig. Likevel må vi sortere søppelet vårt.
Publisert
Denne artikkelen er over ti år gammel og kan inneholde utdatert informasjon.
Det er ikkje berre å kaste søpla si riktig. Kvar og ein av oss må sortere avfallet i heimen vår i ei mengde ulike kategoriar, avhengig av kvar vi bur i landet, og kaste dei på riktig stad.
I Follo regionen har dei investert i ny sorteringsteknologi slik at innbyggarane slepp å sortere plast og mat.
– Vi kjem til å få ut tre gongar så mykje plast som det vi gjer no. Når det gjeld matavfallet viser testar at vi får ut 30 prosent meir i forhold til ei kjeldesorteringsløysing, seier prosjektleiar Astri Thomassen Ekroll ved Follo Ren IKS til NRK Schrödingers katt.
– Vi er jo overbevist om at vår løysing gjer det endå enklare å vere miljøvenleg for då kan du fokusere på det som er verkeleg farleg for naturen, seier Ekroll.
_____________________
