Meiner europeisk supernett må på plass for å nå fornybar-mål i EU

–Og det er moglegheit for at norsk vasskraft kan gi stabilitet til det europeiske supernettet, trur Statnett.

Unni Eikeseth journalist i NRK

Publisert onsdag 19. juni 2013 - 05:00

Denne artikkelen er over ti år gammel og kan inneholde utdatert informasjon.

Forskingsdirektør Jan Ove Gjerde i Statnett på studentenergikonferansen ISES 2013. (Foto: ISES)

I samarbeid med:

Denne saken er produsert av NRK.

EU har sett seg ambisiøse mål om å kutte klimagassutslepp med 80-95 prosent innan 2050, og at to tredelar av energien innan den tid skal komme frå fornybare energikjelder.

– For at EU skal kunne nå dette målet, er det absolutt nødvendig at elektrisitetsnettet i Europa koplast saman i eit supernett, seier administrerande direktør Ana Aguado i organisasjonen Friends of the supergrid på energikonferansen ISES 2013.

Friends of the supergrid er ei samanslutning av internasjonale bedrifter og organisasjonar som har felles interesse i å leggje til rette for ei samankopling av Europas elektrisitetsnett.

Fornybar energi som vindkraft, solkraft og vasskraft er meir variable enn karbonbasert energi som kol, gass og olje. Derfor er det nødvendig å kunne kople energinettet saman slik at ein alltid kan ha tilgang på kraft.

_____________________

Les hele saken på NRK.no