Foreldreomsorg kan visest igjen i hjernen

God foreldreomsorg og stimulerande leikar i barndommen gir tydelege spor i hjernen hos unge vaksne.

Unni Eikeseth journalist i NRK

Publisert 19.10.2012 - 05:00

Denne artikkelen er over ti år gammel og kan inneholde utdatert informasjon.

Foreldreomsorg og tilgang til stimulerande leikar spesielt ved fire års alder ser ut til å vere viktig for hjerneutvikling seinare i livet.

I samarbeid med:

Denne artikkelen er laget av NRK.

Jo meir stimuli i barndommen, jo meir utvikla hjerne vil barnet få som vaksen, viser ein omfattande studie gjort av amerikanske forskarar ved University of Philadelphia. Dette skriv The Guardian.

Studien viste også at den mest kritiske tida for barns hjerneutvikling er ved 4 års alder. Deltakarane i studien som hadde det beste oppvekstmiljøet ved denne alderen hadde meir utvikla hjernebork og betre språkforståing enn dei andre barna i studien.

Resultata vart nyleg lagt fram på det årlege møtet i Society of Neuroscience i New Orleans.

– Dette synest eg er eit svært interessant funn, seier professor i nevropsykologi ved NTNU, Audrey van der Meer, til NRK.no.

– Vi har lenge trudd at tidleg stimulering er svært viktig også for menneskebarns hjerneutvikling. Dette funnet kan vere beviset, seier van der Meer.

_____________________

Les hele saken på NRK.no