Mystisk øy sletta frå kartet for godt

Ei Stillehavsøy kjent sidan 1876 var fordufta då australske forskarar leita etter henne.

Den påståtte øya Sandy Island som vist i Google Earth-kart. (Foto: Google Earth)
Den påståtte øya Sandy Island som vist i Google Earth-kart. (Foto: Google Earth)

I samarbeid med:


 

Denne saken er produsert av NRK.

Eit team av australske forskarar på tokt i Stillehavet oppdaga nyleg at øya Sandy Island som figurerer på ei mengde sjøkart, i verkelegheita aldri har eksistert. Dette skriv Live Science.

Øya som skulle vere 25 kilometer lang og 5 kilometer brei, om lag same storleik som Manhattan, var teikna inn på fleire ulike sjøkart i det sørlege Stillehavet, mellom Australia og øygruppa Ny-Caledonia.

Men under ein ekspedisjon til området i oktober 2012, fann forskarane berre blått hav der øya skulle ha vore. Dei har dermed gjort seg til u-oppdagarar av ei Stillehavsøy.

Forskarane publiserte denne månaden ein nekrolog over den påståtte øya i tidsskriftet Eos, Transactions American Geophysical Union.

– Vi vart mistenksame då navigasjonskarta brukt på skipet viste ei djupn på 1400 meter i eit område der våre vitskaplege kart og Google Earth viste at det skulle liggje ei stor øy, seier geolog Maria Seton ved University of Sydney til Sydney Morning Herald.

_____________________

Les hele saken på NRK.no

Powered by Labrador CMS