Tsunamien som kan gi noregshistorias største evakuering i fredstid
Frykt for tsunami har gjort Åknesremna på Sunnmøre til verdas mest overvaka fjellskred. Ei storstilt evakuering skal berge innbyggjarane i dei berørte tettstadene.
Denne artikkelen er over ti år gammel og kan inneholde utdatert informasjon.
Dersom det ustabile fjellmassivet Åkneset i Møre og Romsdal rasar ut, kan dette forårsake ei flodbølgje som vil råke fleire tettstader langs Storfjorden, blant anna Hellesylt og Geiranger.
– Vi veit at den kjem, men om det er i neste månad eller om 20 år, det veit vi ikkje, seier dagleg leiar i Åknes/Tafjord beredskap Kjell Jogerud til NRKs Schrödingers katt.
Mellom 5000 og 7000 personar bur i dei berørte områda, og kan komme til å bli evakuert når ekspertane meiner at eit skredet og den påfølgjande tsunamien nærmar seg.
Målet er å unngå ein liknande katastrofe som den som skjedde i Tafjord i 1934. Flodbølgja som vart danna då eit fjellparti raste ned i fjorden drap 40 menneske i den vesle bygda.
_____________________________
