Fann 5400 år gammal steinalderpil i snøfonn
Eldste funn frå snøfonn i Skandinavia overraskar forskarane. – Vi har aldri sett 5000 år gamle ting smelte fram frå isen før, seier NTNU-arkeolog.
Denne artikkelen er over ti år gammel og kan inneholde utdatert informasjon.
Ein dag seint i august 2011 vendte Tord Bretten og søstera Line B. Aukrust tilbake frå ein særs vellukka jakt-tur på Dovrefjell. Saman med ein reinsbukk, bar dei også med seg tre piler og to bogeskaft som var smelta fram frå breen.
Ei av pilene viste seg å stamme frå ei reinsdyrjakt for 5400 år sidan, og er det til no eldste arkeologiske funnet frå ei snøfonn i Skandinavia.
Denne pila og ei litt yngre pil som er datert til å vere 5200 år gammal, er nokre av snøfonn-funna som nyleg er publisert i tidsskriftet Antiquity av arkeolog Martin Callanan ved NTNU.
_____________________
