Gigantisk utbrot på sola

Etter å ha bygd seg opp over fleire dagar, eksploderte ei gigantisk gassky på sola natt til tysdag.

Denne artikkelen er over ti år gammel og kan inneholde utdatert informasjon.

I samarbeid med:


 

Denne artikkelen er produsert av NRK.

(Foto: NASA/SDO)

Over fleire dagar har det bygd seg opp ei gigantisk slangeforma sky på sola. Natt til tysdag eksploderte den og vart slynga ut i verdsrommet.

Den synlege delen av gasskya var meir enn 700 000 kilometer lang, noko som tilsvarer 55 jordklodar lagde etter kvarandre, og heile radien til sola.

– Gassen i denne skya heldt omkring 80-100 000 grader, og det er relativt kjølig, fortel professor Viggo Hansteen ved Institutt for Teoretisk Astrofysikk ved Universitetet i Oslo.

– Gass på den ytre del av soloverflata kan gjerne halde ein million grader, seier Hansteen.

Kjølig gass vil normalt dette ned på soloverflata, men magnetfeltet er sterkt nok til å motverke dette, og halde skya oppe.

Dette er likevel berre ein midlertidig effekt.

____________________

Les hele saken på NRK.no 

Powered by Labrador CMS